Нууцлалын бодлого

Хүчинтэй болсон: 2026 оны 10 сарын 2. Хөзөр (huzur.mn) вэб сайт болон утасны апп-д хамаарна.

Бид тоглоом тоглуулахад хэрэгтэй хамгийн бага мэдээллийг л цуглуулдаг. Мэдээллийг худалдахгүй, сурталчилгааны компанид өгөхгүй, таныг бусад апп, вэб сайт дээр хянахгүй.

Бидний хадгалдаг мэдээлэл

• Гишүүний бүртгэл: и-мэйл хаяг, нэр, нууц үг. Нууц үгийг шууд биш, сэргээх боломжгүй хэлбэрээр (hash) хадгална.
• Facebook эсвэл Apple-ээр нэвтэрвэл: тухайн үйлчилгээ бидэнд таны нэр, и-мэйл хаяг (өгсөн бол), таныг дахин танихад хэрэглэх дугаарыг л өгнө. Найзын жагсаалт, зураг, нийтлэл зэрэг өөр юу ч авахгүй, таны нэрээр юу ч нийтлэхгүй.
• Зочин: таны оруулсан нэр, төхөөрөмжийг танихад хэрэглэх санамсаргүй дугаар (cookie).
• Тоглолт: оноо, хожил, чансаа, тоглолтын түүх.
• Нийтийн чат: сүүлийн хэдэн зуун мессеж. Ширээн дээрх чат хадгалагдахгүй, тоглолт дуусахад устна.
• Гомдол: тоглогч өөр тоглогчийн талаар гомдол гаргавал гомдол, холбогдох мессежийг админ шалгах хүртэл хадгална.
• Техникийн бүртгэл: сервер IP хаяг, алдааны мэдээллийг аюулгүй байдлын үүднээс богино хугацаагаар хадгална.

Дуут чат

Дуут чат сонголттой. Микрофоноо асаасан үед л таны дуу тухайн ширээний тоглогчдод шууд дамжина. Утас хоорондоо шууд холбогдож чадахгүй үед манай сервер дамжуулна. Дууг хэзээ ч бичиж, хадгалахгүй.

Сурталчилгаа

Апп болон сайтад байгаа зар нь бидний өөрсдөө байршуулсан зураг, бичвэр юм. Гуравдагч талын сурталчилгааны сүлжээ, хянах код ашигладаггүй. Зар дээр дарвал тухайн холбоос таны хөтөч дээр нээгдэнэ.

Мэдээллийг хэн хардаг

Таны нэр, оноо, чансаа, чатын мессеж бусад тоглогчдод харагдана. И-мэйл хаяг тань бусдад харагдахгүй. Сервер Oracle Cloud (Канад) дээр байрладаг; тэд зөвхөн бидний өмнөөс хадгална.

Бүртгэлээ устгах

Хүссэн үедээ бүртгэлээ бүрэн устгах боломжтой:

1. Апп эсвэл huzur.mn-ийг нээгээд баруун дээд буланд нэрээ дарна.
2. Бүртгэл устгах-ыг сонгоно. Гишүүн бол нууц үгээ оруулж баталгаажуулна. Facebook эсвэл Apple-ээр нэвтэрдэг бол нууц үг шаардлагагүй; Apple-ийн холболт мөн цуцлагдана.

Устгахад таны и-мэйл, нэр, нууц үг, оноо, чансаа, чатын мессеж, гишүүнчлэл шууд устна. Бусад тоглогчийн түүхэнд таны оронд «Устгасан тоглогч» гэж үлдэнэ. Нөөц хуулбараас 60 хоногийн дотор бүрэн арилна.

Апп руу нэвтэрч чадахгүй бол support@huzur.mn хаягаар бүртгэлтэй и-мэйлээсээ бичвэл 7 хоногийн дотор устгана.

Хүүхэд

Үйлчилгээ 13-аас доош насны хүүхдэд зориулагдаагүй. Тийм хүүхдийн мэдээлэл хадгалагдсаныг мэдвэл устгана.

Холбоо барих

Асуулт, хүсэлт: support@huzur.mn

Энэ бодлогыг өөрчилбөл энэ хуудсанд шинэчилж, огноог өөрчилнө.